13-10-2020

yaar 'muwahid' tum itnay nadaan thay

kitaabon me likha sach maantay thay.. 

haqiqat aor hai, kitaabi duniya aor

ye sach toh sabhi jaantay thay..

tumnay esa kya jaan lia tha aakhir

tum haqiqat ko faraeb maantay thay..

qamyabi.. shohrat.. rutba.. daulat

in sab se tumko wehshat kyu thi..

aakhrat ka bi khof kuch na tha

tumhe deen se bi mohabbat na thi..

jaanay kis ilm ki haajat thi tumko

jaanay kis sach ko doondtay thay..

yaar 'muwahid' tum itnay nadaan thay

kitaabon me likha sach maantay thay..